ــــــــــــــــــــــــــ
شعر : محمد عبدحيم إستيري
ــــــــــــــــــــــــــ
تصوير : ليال الجزولي
ــــــــــــــــــــــــــ
تصميم : متوكل كمال الدين
ــــــــــــــــــــــــــ
لما إنت أصلاَ لسواي ما كنت توعدني و ترد
ما عرفتك ما معاي إلا لما بديت تصد
****
سافرت ليك يا سيد هواي لقيت هواك هجر البلد
سكنتو طيفك في دماي بقيت وحيد من غير أحد
لملمت أحزاني و أساي قفلت باب الرجعة جد
أنا و الدموع محروق حشاي ما كنت فاكر الريدة هد
****
أنا و الخيال عاشقين سراب أحلام طويلة ما ليها حد
نتوسد الآلام عذاب فارشين لحاف الفرقة مد
صابرين على مر الشراب شايلين هموم الريدة وعد
سارحين على الموج الرهاب عايشين و ما بالحيلة يد
ليست هناك تعليقات:
إرسال تعليق