قصيدة : قلبي العطوف
شعر : عبير زين
تصميم : متوكل كمال الدين
بكره يا قلبى العطــوف .. يامــا فى بعدك تشـــوف
العجـايب والغـرايب .. والمـآسى صنـوف صنوف
الفتور يطوى المشاعر .. وفى سماالأشواق يطوف
وتبقى أيامـك عصيبــة .. وكـُـلْ حياتك تيـه وخوف
والحنان الكان زمـان .. تلقاه مركون فى الـرفوف
والأمان يرحل يغادر .. شايلومن غير رجعة طوف
ولو سألت عن الســـبب .. الاجابه تكــون ظـروف
يا حليلك وانت ســارح .. تقطع أميال بالألــــــوف
ماشى كمِّـــلْـتَّ الفيـــافى .. لا محطــة ولا وقوف
ليل نهار تكتب ترسـل .. لهفة الشوق فى الحروف
ويرجع الرد ليك حسرة .. وما حصد غير العزوف
والظلام إمتـــد حولـك .. يبقى مــن وين الدلوف؟؟
والحبيب الكــان عزيـز .. يبقى ما عاد ليك ولــوف
مـاتت آمالك بِبُعْدُو .. ولى عــزاك رفعــوا الكفوف
والغريبه يقولو عنــك .. قاسى يا قــلبى العطوف!
وإنت وافى وجوة صافى .. نادى زى زهر الجروف
راضى بالهم فى حياتك .. صابره شمسك بالخسوف
أصلو حظك ديمة عاثــــر .. والعوازل بالصفوف
ربى يرحم وليك يطمـن .. ويسعــدك رغم الإنوف
شعر : عبير زين
تصميم : متوكل كمال الدين
بكره يا قلبى العطــوف .. يامــا فى بعدك تشـــوف
العجـايب والغـرايب .. والمـآسى صنـوف صنوف
الفتور يطوى المشاعر .. وفى سماالأشواق يطوف
وتبقى أيامـك عصيبــة .. وكـُـلْ حياتك تيـه وخوف
والحنان الكان زمـان .. تلقاه مركون فى الـرفوف
والأمان يرحل يغادر .. شايلومن غير رجعة طوف
ولو سألت عن الســـبب .. الاجابه تكــون ظـروف
يا حليلك وانت ســارح .. تقطع أميال بالألــــــوف
ماشى كمِّـــلْـتَّ الفيـــافى .. لا محطــة ولا وقوف
ليل نهار تكتب ترسـل .. لهفة الشوق فى الحروف
ويرجع الرد ليك حسرة .. وما حصد غير العزوف
والظلام إمتـــد حولـك .. يبقى مــن وين الدلوف؟؟
والحبيب الكــان عزيـز .. يبقى ما عاد ليك ولــوف
مـاتت آمالك بِبُعْدُو .. ولى عــزاك رفعــوا الكفوف
والغريبه يقولو عنــك .. قاسى يا قــلبى العطوف!
وإنت وافى وجوة صافى .. نادى زى زهر الجروف
راضى بالهم فى حياتك .. صابره شمسك بالخسوف
أصلو حظك ديمة عاثــــر .. والعوازل بالصفوف
ربى يرحم وليك يطمـن .. ويسعــدك رغم الإنوف
ليست هناك تعليقات:
إرسال تعليق