شعر : يوسف كمال كاجوري
تصميم : متوكل كمال الدين
بين الليل والهم التاني زول مشتاق محتاج واناني
ماسك جمر الريد بي ايدو وحاضن خوف الوجع الجاني
شافك دامع نجم الليل معاك القمره كمان بتعاني
وسامع نوحك صوت النيل صداهو الراح بكاك من تاني
بين الليل والهم التاني قصه ريده بكاها ذماني
والاقدار العارفه مصيرنا كيفن سابو عينيك تغشاني؟
كملت معاك انين الريد ودعت نزيفك من شرياني
واستنيت الليل بي طولو يجيني صباح واطراك من تاني
ليست هناك تعليقات:
إرسال تعليق