شعر : وليد علي شكري
تصميم : متوكل كمال الدين
اصلي متألم زيادة وكان كلامك ليا جارح
اصلو ما اتوقعت منك الوداع قبال تسامح
**
اصلي يازول اشتهيتك قبل ماتمشي وتخاصم
وكنت مترقب حضورك شايل الافراح وباسم
الا جيت شايل عذابي وقاصد الاحزان مواسم
***
انت يازولي العشقتو الدموع منك صعيبة
والدموع المني نازلة ديمة بتحسس لهيبة
والخديد الضاق عذابا جفف الدمعات بطيبة
***
القواسي بهونو ليا والقليب الدامي ببرا
والعيون الفيها بالي والملامح تبقى ذكرى
والجراح الفيني باينة الزمن بمحيها بكرة
***
الوداع المني ليكا كلمة مابتعرف حروفا
اول الكلمة وجدتك واخر الكلمة عطوفا
والقلوب الصافية ديمة وحدها تقدر تشوفا
ليست هناك تعليقات:
إرسال تعليق