قصيدة : اعفيني من حبك
شعر : أيمن عبد النبي أحمد
تصميم : متوكل كمال
اعفيني من حبك انا وقصة هواك المحزنه
خليني ارتاح من شقاك ويرتاح كمان حزن الغنا
استنشق الحب من جديد واحضن نداوة السوسنا
مع زول كتير بي يعزني وشايف هناهو معاي انا
فارش الورود في سكتي ووصالي ليه غاية المني
اعفيني من ريدك خلاص ماعدت تاني بهتم بيك
لاراجي منك زيف وصال ولا حتي بشتاق لي عينيك
انا راحتي عند زولا سواك قدر هواي الضاع لديك
شاريني بي الغالي ونفيس عيشني ريد مالقيتو فيك
لو قلت بتعب بي وراك انساني يااخي وماعليك
ليست هناك تعليقات:
إرسال تعليق