تصميم بوستر لاغنية نور العين

اغنية / نور العين
الشاعر / اسماعيل حسن
غناء / الراحل محمد وردي
__________
قلبي الحابيك ما خان لياليك
ما ناسيك الماضي ماتقول ناسي
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين
___________

تصميم / متوكل كمال الدين

تصميم بوستر لاغنية بناديها

اغنية : بناديها
شعر/ الطيب عمر الدوش
الحان وغناء/ الموسيقار الراحل محمد وردي
_______________________________

بناديها وبعْزِم كُلّ زول يرتاح على ضحكَة عيون فيهَا
وأحْلم اني في أكوان بتْرحَل من مراسيها
عصافير نبّتَت جِنْحات وطارت للغيوم بيهَا
مسافرِ من فرح لس شوق ونازِل في حنان ليهاَ
أغنّي مع مراكب جات وراها بلاد حتمْشيهَا
واحزَن لي سُفُن جايات وما بْتلقَى البِلاقيه
__________________

تصميم / متوكل كمال الدين
__________________

تصميم بوستر لقصيدة : بغير عليـــك

قصيدة : بغير عليـــك
شعر : اسراء كشان « روزي بيل »
تصميم : متوكل كمال الدين
ــــــــــــــــــــــــــــــــــــــــــــــــــــــــــــ
غير عليـــك
من الدموع لو تلقى غيري يجففـــا
بغير عليــك
من ناس تسالمك في إيديك وما تكون محدده موقفـــا
وبغير عليـــك
من التراب لمن تمتعو بالحفـــا
بغير عليـــك
من الحروف تلمس سنونك وتولفــا
وبغير عليـــك
من صوت قلب ساكن دواخلك بالخفـــا
بغير عليـــك
لمن تكون سرحان وفي لحظة صفــا
أنا بغير عليـــك
من السنين ياريتني أقدر أوقفـــا
بغير عليــك
من الحنان لكني ما برضى الجفــا
وأنا غيرتي أكبر من غناي قول لي كيفن أوصفــا
بغير عليـــك

تصميم بوستر لقصيدة : غلطي الوحيــــد

قصيدة : غلطي الوحيــــد
شعر : اسراء صديق كشان « روزي بيل »
تصميم : متوكل كمال الدين

راجــع تفتش لي هــــواي
قايلني لســـه بين إيديــــك
انا بيك ومن غيرك بعيــش
الدنيا ما وقفـــت عليــــــك

مكسـور جناح الريد معــاك
مــا بفيدنــــي إنك تعتــــذر
كسر القلــــوب زي القـــزاز
معروف محال ما بنجبــــــر

جـاي هسي تبكي على الغـرام؟
أحســـن تفوت من غير كــــلام
الريــــده ما قوه وجفــــا
الريــــده دايره البعرفــــا
ويفهم معاني الإحتــــرام

ماعندي ليــــك غير الفــراق
الفات محـــال يرجع يعـــود
لملــــم معاك كتب النفــــاق
قصص الخداع ورق الوعــود

القسوه ما طبـــع المحــــب
لكن جفــاك قــوه القلــــب
بقى يكره إنو يشوف عينيك
بس لي سواك قادر يحــــب

مـــا تغش خيــالك بالكــــذب
وتقول عليك ممكن أحـــــن
قيمتك جواي صبحت صفـــر
خطوات مجيك ما تمسحـــن

أرجع على الدرب البجيــــب
قبــال تهــــب فيهو الريــــاح
تمحيها أثآر خطوتك وتعيش نواح
زي حــــال صغير من أمــــو راح
أعذرني يا غلطي الوحيــــد
الليله ظنك فيني خــــاب
ريدك جــــوايقلمو إنكســــر ..
نيلو إنحســــر ..
أصبح ســــراب ................
كم مره حذرتــــك قبيـــل ؟
ثقتي العليـــك ماتهزهــــا
زي مازمان عزيت هــواك
الليلــــه نفســي بعزهــــا

تصميم بوستر لقصيدة : لأنك فينـــي

قصيدة : لأنك فينـــي
شعر : اسراء كشان » روزي بيل »
تصميم : متوكل كمال الدين

يامسكون شرايين الغرام والريــــد

يا غنوة أهازيج الفرح والعيــــد

يا حلما" بعيـد راجيــك

وحاة شوقي المدفق نور على واحة سهول خديـــك

بريدك يا صباح الخير وأريد نورا" بشع في وشيـــك

جواك يا حبيبي حنين بسوقني علي خطاوي مشيـــك

بريدك يا نسآيم الليل وقت أشواقي تمشي عليـــك

تتنزل نجوم في سماك تطوف دارك تحوم حواليـــك

بشوفك نظره من جواي كأنو اعماقي سكنت فيـــك

وأقول ياريت يطول الليل وبي قصص الهوى أحجيـــك

أقول ياريت شمسنا تغيب مدام في النيه تمحي مجيـــك

لأنك فينـــي مزروع ضي كأنها روحي طلعت فيـــك

أحسك في قليبي حنين بيعكس حبو گلو عليـــك

أعيش ايامي منگ وفيك أعيش الفرحه بين إيديـــك

اقيف وسط الخلوق واهتف واقول ياسيدي بفخر بيـــك

تصميم بوستر لقصيدة : أوعاك تزعل

قصيدة : أوعاك تزعل
تصميم : متوكل كمال الدين
شعر : اسراء كشان ( روزي بيل )

ماتبكي أوعاك على زولا" فــات
الباعك يوم بيعو في ساعــات
الشافك هين شوفو رفــات
والحسبك غايب أحسبو مــات
ما أصلو اللوم بجي بالغفــلات
أوعاك تزعل لو ساب دربــك
لو فيهو الخير ما بغدربــك
مفروض تفرح تحمد ربــك
حلاك من زول ما صان حبــك
فتش حواليك تلقاو ريــدك
تلقاو في همك ويوم عيــدك
تلقاهو معاك ماسك إيــدك
لو جاك الفاتك شان يعيــدك
قول ليهو معليش حبيت سيــدك

تصميم بوستر لقصيدة : صمت الحنين

تصميم جديد رقم «٢» لقصيدة : صمت الحنين
شعر : إسراء كشان ( روزي بيل )
تصميم : متوكل كمال الدين

نسـج ريـدك خيـوط أمـل الفـرح جـواي عـزف صمـت الحنيـن اوتــار
... نطـق إحساسـي إنك لـي وقلبي محــال سوآك يختــار
رسمتك لـوحه في الحاضـر علقتك علـى جـدار الزمن تذكــار
شفتـك في ملامحـي صـور وليك الـروح بقت إطــار
تبروز نـور عينيـك وأرحـل مـع شمسـا» غيابـا نهــار
معاك المـس ثريـا الشوق الاقـي الشـوق معاي محتــار
أقيـف أرجاك في الأحـلام خوفـي من الزمـن لـو دار
واجيك نتمشـى في الغيمه عشمنـا نكمـل المشــوار

تصميم بوستر للقصيدة : صمت الحنين

تصميم جديد رقم «١» لقصيدة : صمت الحنين
شعر : إسراء كشان ( روزي بيل )
تصميم : متوكل كمال الدين

نسـج ريـدك خيـوط أمـل الفـرح جـواي عـزف صمـت الحنيـن اوتــار
نطـق إحساسـي إنك لـي وقلبي محــال سوآك يختــار
رسمتك لـوحه في الحاضـر علقتك علـى جـدار الزمن تذكــار
شفتـك في ملامحـي صـور وليك الـروح بقت إطــار
تبروز نـور عينيـك وأرحـل مـع شمسـا» غيابـا نهــار
معاك المـس ثريـا الشوق الاقـي الشـوق معاي محتــار
أقيـف أرجاك في الأحـلام خوفـي من الزمـن لـو دار
واجيك نتمشـى في الغيمه عشمنـا نكمـل المشــوار

تصميم بوستر لقصيدة : غلطي الوحيد

قصيدة : غلطي الوحيد
شعر : أسراء كشان ( روزي بيل )
تصميم : متوكل كمال الدين

راجــع تفتش لي هــــواي
قايلني لســـه بين إيديــــك
انا بيك ومن غيرك بعيــش
الدنيا ما وقفـــت عليــــــك

مكسـور جناح الريد معــاك
مــا بفيدنــــي إنك تعتــــذر
كسر القلــــوب زي القـــزاز
معروف محال ما بنجبــــــر

جاي هسي تبكي علي الغرام؟
أحسن تفوت من غير كلام
الريده دايره البعرفا
ويفهم معاني الإحترام

ماعندي ليــــك غير الفــراق
الفات محـــال يرجع يعـــود
لملــــم معاك كتب النفــــاق
قصص الخداع ورق الوعــود

القسوه ما طبـــع المحــــب
لكن جفــاك قــوه القلــــب
بقى يكره إنو يشوف عينيك
بس لي سواك قادر يحــــب

مـــا تغش خيــالك بالكــــذب
وتقول عليك ممكن أحـــــن
قيمتك جواي صبحت صفـــر
خطوات مجيك ما تمسحـــن

أرجع على الدرب البجيــــب
قبــال تهــــب فيهو الريــــاح
تمحيها أثآر الرجوع وتعيش براك
زي حــــال صغير من أمــــو راح

أعذرني ياغلطي الوحيــــد
الليله ظنك فيني خــــاب
ريدك جــــواي
قلمو إنكســــر ..
نيلو إنحســــر ..
أصبح ســــراب ................

كم مره حذرتــــك قبيـــل ؟
ثقتي العليـــك ماتهزهــــا
زي مازمان عزيت هــواك
الليلــــه نفســي بعزهــــا

تصميم جديد لقصيدة : غلطي الوحيد
شعر : أسراء كشان ( روزي بيل )
تصميم : متوكل كمال الدين

راجــع تفتش لي هــــواي
قايلني لســـه بين إيديــــك
انا بيك ومن غيرك بعيــش
الدنيا ما وقفـــت عليــــــك

مكسـور جناح الريد معــاك
مــا بفيدنــــي إنك تعتــــذر
كسر القلــــوب زي القـــزاز
معروف محال ما بنجبــــــر

جاي هسي تبكي علي الغرام؟
أحسن تفوت من غير كلام
الريده دايره البعرفا
ويفهم معاني الإحترام

ماعندي ليــــك غير الفــراق
الفات محـــال يرجع يعـــود
لملــــم معاك كتب النفــــاق
قصص الخداع ورق الوعــود

القسوه ما طبـــع المحــــب
لكن جفــاك قــوه القلــــب
بقى يكره إنو يشوف عينيك
بس لي سواك قادر يحــــب

مـــا تغش خيــالك بالكــــذب
وتقول عليك ممكن أحـــــن
قيمتك جواي صبحت صفـــر
خطوات مجيك ما تمسحـــن

أرجع على الدرب البجيــــب
قبــال تهــــب فيهو الريــــاح
تمحيها أثآر الرجوع وتعيش براك
زي حــــال صغير من أمــــو راح

أعذرني ياغلطي الوحيــــد
الليله ظنك فيني خــــاب
ريدك جــــواي
قلمو إنكســــر ..
نيلو إنحســــر ..
أصبح ســــراب ................

كم مره حذرتــــك قبيـــل ؟
ثقتي العليـــك ماتهزهــــا
زي مازمان عزيت هــواك
الليلــــه نفســي بعزهــــا

تصميم بوستر لقصيدة :أنســـانــي

قصيدة :أنســـانــي
شعر : أسراء صديق كشان ( روزي بيل )
تصميم : متوكل كمال الدين

أنا بنسحب من دنيتك وأعلن رحيلي بأعلى صـــوت
ياقلبي أشكي وأحكي قول الليله ضاع زمن السكـــوت
مليت بكايا على السراب سكنت دموعي على الخـــدود
طلعت وراك روح العذاب رحلت تكوس دار الخلـــود
أنساني زي ما نسيت قبيل كيف للصبر مرسوم حـــدود
أنساني زي ما نسيت وفاي جازيتني بدل الريد جحـــود
يا دوب سرجت خيل الفرح وكفايه خنقتني الوعـــود
إنعل أبو الحب البخلي الزول ذليل مليان قيـــود
إنعل أبو الحب البيهدي الشوك لزول أهـــداو ورود
إنعل ابو القلب البينسى الريد وما بطرأ العهـــود
منعول هواي لو ليك رجع ناداك وإترجاك تعـــود
اوعاك تسأل يوم علي أو حتى تحلم ليك أعـــود
كمل خداعك بإرتياح عكسك خطايا نوت تفـــوت
برحل بلاك بعيش هناي أنا أصلي بعدك ما بمـــوت

تصميم بوستر لقصيدة : راضيه بالقسمه

قصيدة : راضيه بالقسمه
شعر : اسراء كشان « روزي بيل »
تصميم : متوكل كمال الدين
ـــــــــــــــــــــــــــــــــــــــــــــــــــــــــــــــ
أصلو الدنيا بي وشين علي ايامنا منقسمه

مهما تقسى ولا تلين دوام رضيانه بالقسمه

يوم بتزيد عليا الهم تفتح جوه قلبي جراح

ويوم بتهل عليا نعم نسايم الفرحه تبقى وشاح

يوم في لأ ويوم في نعم يوم في ضلام ويوم في صباح

ما محتاجه للصلاح
براها امورا منحسمه

مابتهمني الأوجـــاع
مصير الحسره يوم تكمـل

ومابزعل عشان الضــاع
مدام الجاي هو الأجمــل

مهما صاب قليبي خــداع
بصبر برضو وأتحمــل

والكان في سمايا سمـوم
باكر ببقى لي نسمـه

لو سكنت عيوني احزان
بجيها وقت تفوت ترحل

لو هدت سنيني الكان
في جوايا ببني محل

بقابل الدنيا بي تحنان
وفي راحة ضميري الحل

ومهما جنيت علي يا زمان
بعيشك برضو مبتسمه

باسمه وراضيه بالقسمه

تصميم بوستر لقصيدة : جد بريدك

قصيدة : جد بريدك
شعر : إسراء كشان « روزي بيل »
تصميم : متوكل كمال

أنا جد بريدك من زمان
... قبل العيون تدمن رؤاك
لقنت قلبي حروف هواك
علمتو ما يعشق سواك
ومشيت دروب الريد معاك
فتشت لي آخر مدآك
لمن لقيت بصمة خطاك
وصلت لي وطني الجواك
أنا جد بريدك من زمان
وريدتي ليك ماليها نهايه
رسمت احلامي في ملامحك
وإحتويتك في جوايا
زرعت ريدك بين ضلوعي
سقيتو بي طاهر دمايا
بيك بقت دنيايا فرحه
وللفؤاد أصبحت غايهمشاهدة المزيد

تصميم بوستر لقصيدة : لأنك فيني

قصيدة : لأنك فيني
شعر : اسراء كشان « روزي بيل »

وحاة شوقي المدفق نور على واحة سهول خديك
بريدك يا صباح الخير وأريد نورا" بشع في وشيك
... جواك ياحبيبي حنين بسوقني علي خطاوي مشيك
بريدك يا نسايم الليل وقت اشواقي تمشي عليك
تتنزل نجوم في سماك تطوف دارك تحوم حواليك
واقول ياريت يطول الليل وبقصص الهوى أحجيك
أقول ياريت شمسنا تغيب مدام في النيه تمحي مجيك
أعيش ايامي منك وفيك أعيش الفرحه بين إيديك
بشوفك نظره من جواي كأنو اعماقي سكنت فيك
وأحسك في قليبي حنين بيعكس حبو كلو عليك
لأنك فيني مزروع ضي كأنها روحي طلعت فيك

تصميم بوستر لقصيدة : خوف الوجع

قصيدة : خوف الوجع
شعر : اسراء كشان « روزي بيل »
تصميم : متوكل كمال الدين

لمتين نعيش خوف الوجع يا دنيا ملينا القلق
شوك الألم لينا إنزرع قبل العضام فينا إتخلق

شقيش نقبل نلقى هم من العيون نومنا إنسرق
سهرانه تبكي دموعا دم بالعبره حلقنا إختنق

فارقنا حبانا الـزمان في الريده تب مالينا حق
مكسور جناح طير الأمان موجوع حشانا الإتحرق

بحر الحزن كسر الترس عدى البويتات ما إتلحق
والعاش حياتو بلا نفس كيفن بحس طعم الغرق

تصميم بوستر لقصيدة : كيف ألومك

قصيدة : كيف ألومك
شعر : أسراء كشان ( روزي بيل )
تصميم : متوكل كمال

كيف ألومك ياجميـــل؟؟
إنت عارف إني عاجز عن عتابــك
وإنو بالي معاك طويـــل
عارف إني فصول كتابــك
كل حروفو علي دليـــل
بفدي عمري قصاد شبابــك
ما مهم لو كان قليـــل
مادمت عاشق لي هواي
في الريد سواي ماليك بديـــل
كيف ألومك يا جميـــل !!؟

تصميم بوستر لقصيدة : حسب النصيـب !!!

قصيدة : حسب النصيـب !!!
شعر : اسراء كشان « روزي بيل »
تصميم : متوكل كمال الدين

ما الريد بذور مزروعـہ في ارض القليـب
مرات بتنبت لينا نور .. مرات تولع نار لـہيـب
وحسب الحنان والإهتمام إمكن حصادنا يكون حبيـب
نرويـہو من عينينا فيض نـہديـہو من أشواقنا طيـب
وإمكن يموت قبل الحصاد تشرق أرضنا بكا ونحيـب
وإمكن كمان نتلاقى يوم في الدنيا زي أغرب غريـب

تصميم بوستر لقصيدة : راضيه بالقسمه

قصيدة : راضيه بالقسمه
شعر : إسراء كشان « روزي بيل »
تصميم : متوكل كمال

ما بتهمني الأوجاع مصير الحسره يوم تكمل
مابزعل عشان الضاع مدام الجاي وراو أجمل
مهما صاب قليبي خداع بصبر برضو بتحمل
والكان في سمايا سموم باكر ببقى لي نسمه
أنا الرضيانه بالقسمه
لو سكنت عيوني أحزان بجيها وقت تفوت ترحل
لو هدت سنيني الكان في جوايا ببني محل
بقابل الدنيا بي تحنان وفي راحة ضميري الحل
ومهما جنيت علي يا زمان بعيشك برضو مبتسمه
باسمه وراضيه بالقسمه

تصميم بوستر لقصيدة : راجع متين

قصيدة : راجع متين
شعر : إسراء كشان « روزي بيل »
تصميم : متوكل كمال

أديني من طيفك حنين خليني يرتاح لي بال
ياريدي قول راجع متين أنا إنتظاري عليك طال
صابت وراك الفرحه عين والبسمه سكنت في الخيال
حتى الجمال بقى قاسي شين والريد وراك بقى حالو حال
قول لي متين ناوي الرجوع شان قلبي يرضا يعيش هناو
يهدأ ويروق بين الضلوع ويتنفسك نسمة هواو
ينسى الشقا وينسى الدموع ينسى العذاب العاش معاو
يرجع ضياك يكسي الشموع وترجع نجومك لي سماو

تصميم بوستر لقصيدة : آخر كرت

قصيدة : آخر كرت
شعر: إسراء كشان ( روزي بيل )
تصميم : متوكل كمال

انا العلمتو معنى الريد نحت الحب جواهو نحــت
أنا الأديتو قيمة الشوق وخليت قلبو يبقى شفــت
لقيت طبعو طبع شجرآ بيشيل ثمرو وبراهو يحــت
كفايــه خلاص معــاهو ضيعت أحــلى وقــت
سحبت جواكر الحنيه من إيديهو فوق وتحــت
خلاص خلوهو يتم العشره لسه معاهو باقي كــرت
انا الخليتو يلعب زييين وضامنه حريقو نص وتلــت

تصميم بوستر لقصيدة : شــكرا

قصيدة : شــكرا
شعر: إسراء كشان « روزي بيل »
تصميم : متوكل كمال

أيوه عايش ولسه بضحك رغم كل الشفتو بيك
من مواجع ومن قواسي ومن حلم ضاع بين إيديك
ما بنسى إنو غدرت بي خيبت ظن قلبي العليك
لكن لسان الحال بقول شكرا : وأكيد مردوده ليك
و لابد يجيك يوم تنكسر تتحمل الألام براك
تجني الزرعتو قبيل شقا وما تلقى غير نيتك معاك
تاخد نصيبك في الدموع ياريتو يشفع ليك بكاك
في اللحظه ديك بنساهو إسمك وبعلن الريد لسواك

تصميم بوستر لقصيدة : إتحسبت عليك

قصيدة : إتحسبت عليك
شعر : إسراء صديق كشان ( روزي بيل )
تصميم : متوكل كمال الدين

ما كنت قبلك يوم رخيصه عشان أزيد غلا في هواك
بس كنت متواضعه بغرامي وشايفه أحلامي ف_رضاك
كنت شايلاك فيني فرحه وبحكي ليك بالجاي معاك
وإنت جيت في لحظه ناوي بالفراق تعلن هناك

سقت خطواتك قصدت تسبيو درب الريد وراك
لما تهت رجعت تندب في حظوظ قسوة جفاك
علمت قلبي فراق عيونك وما نسيت حصة قساك
بس نسيت درس المحنه وكيف اقيف طابور رجاك

قايل الأيام بتمسح للجروح الجات معاك !!؟
ولا قايل ريدي نجمك وما بفل يوم من سماك !!؟
غلطه إتحسبت عليك ... ما بشيل ذنبها سواك
بعتذر منك كتير الظاهر إنو ........ هواي نساك

تصميم بوستر لقصيدة : مداخل سكتك

قصيدة : مداخل سكتك

شعر : إسراء كشان « روزي بيل »
ــــــــــــــــــــــــــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــــــــــــــــــــــ

ساكن جواي بي روعتــــك
في قلبي والروح عشقتــك

بكمل مناي يوم طلتــــــــك
وامحي الحزن من دمعتــك
بلقى الفرح في بسمتــــك
وأقبل شقاي لو يسعــــدك
في قلبي والروح عشقتـــك

بالفرحه بعدك كيف أحــس
وإنت الشهيق في كل نفس
صمت الحنين تبقالو حـــس
والقى النعيم في حضرتــك
في قلبي والروح عشقتـــك

ألقاك أمل لي زول غريـــق
ونسمه في جوف الحريــق
يازادي في سفر الطريــــق
حاوياك قلوب جد حبتــــــك
في قلبي والروح عشقتـــك

مناي أكون من قسمتــــــك
وأجمل حبيب في دنيتـــــك
أحرس مداخل سكتـــــــك
واحلف وأقول انا حقتــــك
في قلبي والروح عشقتــك

تصميم بوستر لقصيدة : عقدة الأحزان

عقدة الأحزان
شعر : إسراء كشان « روزي بيل »
تصميم : متوكل كمال الدين
ـــــــــــــــــــــــــــــــــــــــــــــــ
يا نجوم الليل نومي وإرتاحي
خلي لي وجعي وسهري صباحي
عقدة الأحزان قاسي حلحيلا
الدموع سالت وإنهمر سيلا
غنوة الأشواق عدنا ترتيلا
ولمة الأحباب تاني يا حليلا
العيون يا ناس بالحنين باكيه
والقماري تنوح في الغصون شاكيه
الحلق مجروح العبر حاكـيه
كيف أسايا يروح و الدموع تاكيه
ديمه انا الشقيان في النصيب منحوس
الفرح كلمات والألم محسـوس
الهموم جاريات لي دروبي تكوس
يوم تصيبني تخش عضامي زي السوس
عايش إحساسي صادق المعنى
في زمان الصم مين بيسمعنا
الفراق قاسي وديمه فاجعنا
إلا اللــه كريــم قادر يجمعنا

تصميم بوستر لقصيدة : بين يا قمر

قصيدة : بين يا قمر
شعر : إسراء كشان « روزي بيل »
تصميم : متوكل كمال الدين

ليه ياقمر أيام تغيب عارفني ما بحمل جفــاك
بالله ما تقسى وتجور خليني أنعم بــي ضياك
عارف قليبي عليك ولوف كل حلمو بس يوم يوصلــك
يغزل من أنوارك فرح ومن نص سماك يحولــك
تسكن جوايا خلايا شوق تصنع جمال في جوف مخيــف
تخضر ساحات العروق زي حال جروف زارا الخريــف
أظهر خلاص بين ياقمر وريني فت سرحت ويــن؟
لو كنت ناوي على الخسوف أحسن تقول مالموت أخير من بين وبيـن

تصميم بوستر لقصيدة قوي قلبك

قصيدة : قوي قلبك
شعر : عبدالوهاب ودالنور
__________________
تصميم : متوكل كمال الدين
__________________

قوي قلبك وقول بحبك خلي كل الدنيا تسمع
خليها تطلع من لسانك كلمة ليها العين بتدمع
خلي ريدك ديمة ظاهر ويلا بدر لي قولو كلو زول في الريدة ساير
مستني بس ميعاد وصولو بسمع كتير الناس بقولو
انو البيدس الريدة خاين كيفن يغش بالريدة زولو
مادام بكون في عيونو باين عارف انك انت خايف
من انو لي الريدة تظهر و الغرام البينا يكبر
يبقي في الوجدان محكر قوي قلبك ويلا قولا ويلا قرب لي اكتر

تصميم بوستر لقصيدة لو انت قايل انت صاح

قصيدة : لو انت قايل انت صاح
شعر : ريان عثمان محمد
_________________
تصميم : متوكل كمال الدين
_________________

انا لسه بسال فيك اخوي انا حملي فات المستطاع
بتزيد عليا الوجعه ليه عاوزني ابراهو الضياع
شايفني يعني بلا هموم وسعادتي جواي زي شراع
انا يا اخوي مشروع عذاب في عز زمن مليان خداع
موجوعه من كل الجهات ما فيني حيل انا للوداع
ولو قلتا ليا ابيع هواي ؟ خوتنا اول ما يباع

حتي الغرام كان لي كتير في نظرتك كان غير مباح
يا ربي قلبك كان قلب والريده كانت ليك سماح؟
انا زاتي من جواي بحس بحمل مشاعر الكون براح
ما دايره اعذار خوف علي انا حبي جواي لي سلاح
بعرف حدودي مع الخيال لو مره طيفو عليا لاح
بتقفل الابواب علي دايرني املا الكون مناح؟
لكن وحاتك ما بكون حفضل دوام زي الصباح
اشرق انور دنيتي وعطر هواي قدامي فاح
ما برضي بي ذل الظلم والكبرياء لابساو وشاح
انت الوجع يا اخوي بقيت لو انت قايل انت صاح

تصميم بوستر لقصيدة من حقك

قصيدة : من حقك
شعر : محمد سليمان
_________________
تصميم : متوكل كمال الدين
_________________

من حقك تعرفي ردتك ليه
انا ردتك شان الريد اعراف
والعرف السايد اني بخاف من كلمه ريد معناها عفاف
من حقك تسألي نجماتك
لكن قبلم أفتحي قلبك
أسألي نفسك روحك وقلبي
حتلاقي جوابم في إسمك
آيتك وصورتك
واجمل عينين في دنيا العين
وروحك وطبعك في تكوينك
اجمل اتنين
من حقك تقفلي باب الريد
اكتبي مقفول للتحسينات
لكن بس قبل تصدي الريد
تقفلي في كتاب حبك صفحات
راعي لإنسان حباكي ومات
في حبك اصبح قلبو رفات
واسمعي قول الوصاكي وفات
وفتشي في ذاتك معنى الذا

تصميم بوستر لقصيدة بكيت عليك

قصيدة : بكيت عليك
شعر : الريان عبدالقادر النعيم
____________

تصميم : متوكل كمال الدين
____________
بكيت عليك غيم السما يوم نوري في جواك طفا
وقابلت ريدتي بكل جفا وانا كنت لريدتك معاي عنوان وفا
**** **** ****
سهرانه ليلي ومابنوم بتذكرك وانا بس معاي ضي النجوم
وابكيك بي حرقه وتآزرني بدموعا الغيوم لساي جاهله وكنت لي زولآ يكبرني وحنون
جازيتا ريدتي وغبت عن دنيايا يوم وحكمت بي ايدك تربيني الهموم
ياداب لقيت للوجعه في جواي سكن وحسيت بطعم الفرقه في مجراي سموم
**** **** ****
واصبحت دمعاتي مارقات شان يتاوقن لي نسمه ماليها الشجن
حرقتني نار الفرقه وقلبي بي ريدتو اندفن يشهد علي قمر السما ساعة يحن
يرسل علي حبة شعاع يحميني من جور الحزن
جافيت مشاعري بكل ملام,,,دسيتا في جواي سجن
**** **** ****
عاجبني في ريدتنا كان الانسجام لكن خلاص بي قسوتك خليتا مليانه انقسام
وبقيت افتش ليك عذر شان يبقى سببآ للخصام حاولت اعرف لي طريق يبعدني من درب الغرام
ودرت نفسي في سكة فيها النجوم صبحآ ظلام وانا والغيوم اصبحنا حابسين الدموع وبقينا عايشين في انهزام

تصميم بوستر لقصيدة أوتــــــدري ؟!

قصيدة : أوتــــــدري ؟!
شعر : شذى احمد عثمان
ـــــــــــــــــــــــــــــــــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــــــــــــــــــــــــــــ

سوف تأتي ذات يومٍ قاطعاً مجد الثُريا
من وراء الشمسِ من تحت أنقاضِ المُحيا
حاملا قلبي كَنورٍ من سمواتٍ قصيا
ياسفير العشقِ هل لي في دنياك ضيا؟
هل لي حياة ؟ أم أظل أموت حيا؟
ولكن.. أو تدري.؟ أنك في دمي تجري!
أوتدري ؟؟ أَنّي مِن بعدِ هواك رهنتُ عُمري
وصرت أنتَ مليك عُمري!
أوتدري؟أني أحببت الأغاني
وكرهت سَّجّاني و قيود قدري
بل من كنت أظن أنه قدري
أو تدري؟ أنت قدري أنت قَمري
وبعد طولِ النوى ذاك الهوى
قد مـر عبري... ولكن...أو تدري؟؟؟
أين كنت قبل هواك؟... لسـتُ أدري

تصميم بوستر للفنان شهاب الدناقلة

ترقبوا قريبا ..
ـــــــــــــــــــــــــــــــ
اغنية :
تجى بوراى
كلمات والحان واداء :
شهاب الدناقلة
ـــــــــــــــــــــــــــــــــــــ
تصميم البوستر : متوكل كمال الدين

تصميم بوستر لقصيدة لو ...

قصيدة : لو ...
شعر : سيدة عوض
ـــــــــــــــــــــــــــــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــــــــــــــــــــــــ

لو ...
لو بتقدر مني ترحل ليك بفتح ألف باب
لو ..
لو بتقدر ليا تنسي مني ليك نسيان كتاب
لو ..
لو عيونك لي تجفي أنا أصلي بتاً من عذاب
يعني بالواضح كده مسكونه بي الوجع العتاب
بس لو .. لو بتقدر لملم أشواقك وروح
بنفُضك من توب حنيني وفيك بكتتتتر ها الجروح
بس كيف بتقدر يا ولوف تحتمل نزف الحروف
ولو بتقدر .. هسسسسسي رووووح

تصميم بوستر للفنان ضياء الدين السر

قريبا جدا
_______
اغنية :
مشيت في الخاطر
___________
ياحاضر في كل الأوقات ومخضر في روحي بساتين
موجود في كل الحاجات أطفال بتشكل في الطين
وتحاول ترسم لوحات لي صوتك قبل التكوين
______________________________
كلمات : أزهري محمد علي
الحان واداء : ضياء الدين السر
__________________
تصميم : متوكل كمال الدين

تصميم بوستر لقصيدة حسدوني عليك

قصيدة : حسدوني عليك
شعر : مني محمد خضر (بت الشوايقه)
ـــــــــــــــــــــــــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــــــــــــــــــــ

شافوك الخلق حسدوني عليك قالو جميل وفي الجمال فاتن
وحلات بتتني في مشيك والنسيمات بين يديك يتاتن
قربت العيون بيك تودر تكفر وتنحرف عن ملاتن
***
ولحبوباتنا زمان شافنك اتحسرن علي ماضيهن
قالو حلينا نحن الزمنا بدر واتمنو لو بس تناديهن
وحسدوني عليك ياغالي وبحاول مره اراضيهن
بس لاحولا ولاقوه وعين الناس شن فيهن
***
تراك ياغالي ماك عارف كل الخصال السمحه فيك
في اخلاقك وفي قوامك وحتي في خطوات مشيك
في سلامك وفي كلامك وفي النظره المن عينيك
وفي لقائك وعن رضاك ولما ايدي تحضن ايديك

تصميم بوستر لقصيدة اعزرني مشتاقه لي هواك

اعزرني مشتاقه لي هواك
شعر : محمد عبدالقادر و انا منو { g }
ـــــــــــــــــــــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــــــــــــــــ

لو كان بتسال مني يوم .. ما كان بعاتبك او الوم
اعزرني مشتاقه لي هواك .. محتاجه حنانــك كل يوم
كل زول مشغول اكيد .. وقـت الفراغ اسال علي
صدقني بيكا بكون سعيد .. اديني ريدك سيبو لي
انا مشتاق اكتر منك .. بفكر لحظه اقعد جمبك
احكي واشرح ايه اسبابـي .. وكل ظروفي البعدتني عنك
..انا محتاجك كل دقيقه .. اشوفك واسكن طيفك
..انا حبيتك يــوم لاقيتك .. ما قاصد اجرح قلبك
الا ظروفي اكبر مني .. اريتك تعرفي الهم البيا
كيف عانيت الدنيا بعدك .. ختي الوم وارميهو عليا
الا وحاتك انت السمحه .. عمرو الشوق ما فـات عينيـا
عمرو الشوق مافات عينيا

تصميم بوستر لقصيدة لما الدنيا تقسى عليك

قصيدة : لما الدنيا تقسى عليك
شعر : شذى أحمد عثمان
_________________
تصميم : متوكل كمال الدين
_________________

لما الدنيا تقسى عليك وتفضل في الدروب وحدك
ولما تخاف ظلم دنياك يدسك من صحاب عمرك
ولماتحس انت براك مافي زول بقيف سندك
تعال لي زول بعزك جد قاسم همو مع همك
أشكي أحكي ديمة واصل ..ماتتآسى بيو ظرفك
أصلو الدنيا مرات ليك ومرات واقفة بس ضدك
إتناسي كل أحزان وشوف الدنيا بالألوان صدقني بتحلى في نظرك
ولو فكرت في الحاصل.. لوماضقت إنت اللوم.. لو ماجافاك يوم النوم .. مابتحس طعم فرحك
عيشها ذي ماتكون.. وفوض امرها للمأمون.. هو البضيق والمنو بتهون وهو البي يدو بس فرجك

تصميم بوستر لقصيدة بوعِدِك

قصيدة : بوعِدِك
شعر : شذى أحمد عثمان
ــــــــــــــــــــــــــــــــــــــــــــــ
تصميم : متوكل كمال الدين
ــــــــــــــــــــــــــــــــــــــــــــــ

بوعدك ...انا بوعدك ... ياروحي ... كيف انا اخزلك
لو طيف هواك ... غاب من سماي ... انت في حياتي وبفقدك

لو مشيت بقيتي جافية يصعب علي أنساكي ... أنساك كيف من روعتك
لو نكرتيني وجرحتيني.! انا كيف اكون شاكي ... انت الهناء وأنا بعذرك
لو كرهتيني وأبيتيني ... وعشتي براك فرقاكي مابكرهك ... أنا مدمنك

ياريت قليبك لي يحن ... انا قلبي من بعُدك ب اِن ... ياقاسيه بطلب رجعتك
في نومي بطراك كل يوم ... انا جد بحبك وفيك بجن ... سالت دموعي بجفوتك
آآخ ياعيوني وياشذاي ... إنتي لي نني العيون ... انا بعشقك ما بكرهك

تصميم بوستر لقصيدة عُرف الريدة

قصيدة : عُرف الريدة
شعر : شذى أحمد عثمان
ـــــــــــــــــــــــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــــــــــــــــــ
أيوا غالي علي كتـير أغـلى من روحي الجُـوْاي
بـيكا شـفت الـهـَم بـعيـد منك بديت شِعري وغُـناي
***
أيــوا غـالي عـلي كتير ومالي غــير حُــبك انـا
هـَبت عـلى نَسمة هـَواك لاقـتـني فـي عِـز العَـنـا
نَـشـلتـني مـن جُـوة الوَجـع وَدتـنـي لِـي دُنــيا الـهَـنا
حَـتـت الأفـراح عَلي وشـفتا بيــك حد المـُـنــى
***
بـبكي وأضحك دون أحِـس وقـت العيون الفيك تِتـكَـلـَم
عارف اني معاك حييت وقـلبي قـَبلك يــاما إتـألـَم!
الـياما ضـاق دمــوع الشوق وكتيــر في دنياهو إتظـلـَم
قـلبي الشَـبا علي إيديك مِـن عُـرف الريدة إتعَـــلـَم

تصميم بوستر لقصيدة ياااااا رزهـ

قصيدة : ياااااا رزهـ
شعر : محمد عبدالقادر
ــــــــــــــــــــــــــــــــــــــــــــــــ
تصميم : متوكل كمال الدين
ــــــــــــــــــــــــــــــــــــــــــــــــ
يا رزهـ وحياة شبـابك ... لا بسيب قلبك وافارقك
لابخون فيك الامانه ... مهما يحصل ياني رايدك
كيف اسيبك وانت فرحه ... وانت قمر في دنياي هلا
القليب في حبك استقري ... لا حـس انو يوم ملا
انت عاندي وزيدي عنادك ... لا بعاتبك لا بلـومك
لا بقول ليك مالك ... بس بتلقي القليـب رادك
منتظر راجيك سنين وصابر ... متين اخوش جوه قلبك
القي عطفك ترويني حنك ... اعيش سعادتي بيك وجمبك
حبيتك يا اجمل خوه ... حسيتك سعاده وفرحه
رسمتك في احسن لوحه ... كلك رقـه وزوق ومحنه
يا زياده في الجمال والروعه ... عشقتك يابنت يا سمحه

تصميم بوستر لقصيدة انتي الحبيبة

قصيدة : انتي الحبيبة
شعر : طلال حسن التجاني
ــــــــــــــــــــــــــــــــــــــــــــــــ
تصميم : متوكل كمال الدين
ــــــــــــــــــــــــــــــــــــــــــــــــ

مره اطلبي يا عيوني ولو نجوم الليل اجيبا
اغلي منك عندي مافي وعندي بس انتي الحبيبه

انتي افراح المواسم والصغار والدنيا عيد
وانتي اشواق المسافر للبلاد شوقا شديد
وانتي امالي البنيتا لي وطن ممتد مديد
وانتي نيل ساقينا طيبه وجاري في دم الوريد

وانتي احلام اي عاشق لسه عشمان في الظروف
انو تضحك ليهو دنيا وتاني ما يغشاهو خوف
وانتي حدقات الزمن من غير عيون دايما بشوف
وانتي نور الشمس ضاوي وقمره مابتعرف خسوف

وانتي لي ايامي بهجه وانتي لي اوطاني رايه
وانتي من جواي بديتي وقصه ياداب في البدايه
وانتي احرف كل كلامي وانتي منبع كل حكايه
وانتي يا امي الكلامي مهما يبلغ ما كفايه

تصميم بوستر لقصيدة بعيد عنك

قصيدة : بعيد عنك
شعر : مصطفى ساتي
ــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــ
لماترحلي عن دياري فجاءه بس القاك مافي
ابقى زي انسان مغرب للوطن كايس مرافي
شوق عمر نارو بتحرق والقليب في عشقو وافي
يانجيمه في طريق حياتي ياحنانك في الاماسي
ماحصل ذكراك هانت من بعيد واصل شذاكي
في انتطارك ياحياتي واقف على شاطي القوافي
اصلي ريدتك ريد خرافي احساس جميل وربيعو دافي
بي حضورك دنياي تحلى يانسمه في واحات بلادي
مابسيبك مهما يحصل وفي الفواد مكتوب بحبك بس بحبك وتاني مافي

تصميم بوستر للفنان الشاب ميرغني فيصل ميرغني

انتم علي موعد مع اشجان
الفنان الشاب ميرغني فيصل ميرغني
في برنامج بينا وبينكم
علي شاشة تلفزيون السودان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السبت الموافق ١١ نوفمبر ٢٠١٢ م ـــ عند الساعة ٧ مساء
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تصميم : متوكل كمال الدين

تصميم بوستر لقصيدة أفعال العشق

قصيدة : أفعال العشق
شعر : زينب محجوب عبدالله
ـــــــــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــــ
...
معزور شعورى الطشا منك راح ,,
سافر بعيد كايسلو حبة راح ,,
زولى الولوف قولى قول بصراح ,,
مسجون هواك هل بنطلقلوا سراح ؟,,

لمتين وحيد يا مجمل الارواح ,,
شد الرحال لو خيروك لرواح ,,
كم ليك عشوق راجيك بالأفراح ,,
اتهنى يا محزون لو مرة شفت براح ,,

مأسور هواك خفف علي جراح ,,
هون عليهو الشوق لو خفا بية وباح ,,
أصلو العشق معروف وصالو مباح ,,
افعالو لما تبين كم تعجز الشراح

احتفالية قلوبنا ليكم

احتفالية قلوبنا ليكم