تصميم بوستر لقصيدة : صدق إني حِلمتا بيك !

قصيدة : صدق إني حِلمتا بيك !
ـــــــــــــــــــــــــــــــــــــــــــــــ
شعر : شذى احمد عثمان
ــــــــــــــــــــــــــــــــــــ
تصوير : محمد بدوي عبد المجيد
ـــــــــــــــــــــــــــــــــــــــــــــــــــــــــــــــــــــ
تصميم : متوكل كمال
ـــــــــــــــــــــــــــــــــــــــــــــــ

الما بَـتصُورو.. إنك تـَهون وفي القِـليب.. انت الوَريد
أعرِف تـَمام .. حُبك جُنون وعَهدك مَعاي.. دايما اكيد
****
صدق إني حِلمتا بيك ! .. وَشَك مُنـور زي مَلاك
شايل قَليب أبيض حَنين بِنبُض بِقول: «عاشق سماك»
رديت عليك : «بهواااااااك أنا ياروح وميت في هـَواك»
كـُل الكلام كَملتو فِيك شليت حُروفي بعد لـُقاك
****
يَلاك نـَخاصم كل عـَزُول ونعيش بَرانا مَع الغـَرام
في دنيا فيها الريد أساس وكلمة بحب كـُل الكلام
دنيانا أجمل من حِلم وسمانا مَنبع للهَيام
يَلاك نـَكون وليه نـَكون مَـ خلاص بقينا معَ الغـَمام

تصميم بوستر لقصيدة : صبرك علي الايام

قصيدة : صبرك علي الايام
ـــــــــــــــــــــــــــــــــــــــــــــ
شعر : هند محمد الحسن
ـــــــــــــــــــــــــــــــــــــــــــــ
تصميم : متوكل كمال
ــــــــــــــــــــــــــــــــــــ
بس صبرك علي الايام بكره تسيقك الندم
والبفارق غير سبب لابد نهايتو تكون الم
ما انت اهديتني الشقي خليتني في درب الوهم
ياريتني ماعرفتك قبيل وكتير معاك خاب العشم
مليت سراب الامنيات حظي لابان لا ابتسم

دسيت هواك جوه القليب اريتو لاكان لاحصل
راجياك حاضنه الانتظار لو مره طيفك لي يصل
عانيت كتير انا من جفاك راجياك في درب الامل
في الاخر شنو كان جزاي بعد العزاب ليك ما اصل
خساره فيك قلبي الهواك شايل الجرح ما اندمل

تصميم بوستر لقصيدة : ممكن احبك ؟؟

قصيدة : ممكن احبك ؟؟
ــــــــــــــــــــــــــــــــــــــــــــــــــ
شعر : ريان عثمان محمد
ــــــــــــــــــــــــــــــــــــــــــــــــــ
تصوير : ليال الجزولي
ــــــــــــــــــــــــــــــــــــــــــــــــــ
تصميم : متوكل كمال
ــــــــــــــــــــــــــــــــــــــــــــــــــ
انا سلمتك عقلي وقلبي وروحي وعمري وكل الحس الفي جوايا
انا حسيتك قبل اشوفك شلتا هواك يبقالي هنايا
انا دسيتك مني ومنك وانا دايراك بس ليا برايا
وانا حبيتك اكتر منك وعارفه سنيني معاك رجايه
ما بستغني وما حأبعد وما حأجيبو بأيدي شقايا
ما دايراها الدنيا بدونك وما دايراها الفرصه الجايه
عايزة اشيل الحب جوايا ومنو اطلع اجمل غايه
عايزة حياتك تبقي عشاني وعايزة كلامك ليا دوايا
عايزة اشوفك اجمل ريده وعايزة لقاك الديما منايا
وعايزة احس بالفرحه الجمبك وعايزة اسوقا معاكا خطايا
وعارفه خطايا معاكا بتسرع وتبقي عديل يا ناس مشايه
حافظه عهودك وصاينه الريده وشايفه غرامك سامعو نداي

تصميم بوستر لقصيدة : تعالي راجعه

قصيدة : تعالي راجعه
ــــــــــــــــــــــــــــــــــــــــــــــــــــ
شعر : يوسف اسماعيل زين العابدين
ـــــــــــــــــــــــــــــــــــــــــــــــــــــــــــــــــــ
تصميم : متوكل كمال
ـــــــــــــــــــــــــــــــــــــــــــــــ
شوفي الخصام وصلنا وين لي سكه ماكنا بنعرفا
أصعب أيام مرت علي ماكنت قادر أوالفا
ماتبقي جافيه وتنسي الكان والقصه تصبح لحظة صفا
تعالي راجعه وسيبي العناد أنا راجيك يامنبع الوفا
بس ماتتأخري وتعالي سريع صعب الأنتظار بعد كدا
وفي بيت أبوك باكر بجيك عشان اسوقك لي عشة هوانا
ونعيش الريده بي أخلاص وبيها تتحقق كل أحلامنا
نملى البيت أطفال حلوين يمسحو لينا آهات زمانا
ونعيش وننسى الفات زمان ويبقى الحب ساكن دارنا
بريدك والله تعالي سريع ياعشق السنين ويا أحلامنا
تعالي راجعه أنا منتظرك ياملاذ قلوبنا وأفكارنا الهيمانا
الخصام ليه بتمادى معانا ونحنا أدرى انو شقانا
قصتنا أكبر من عتاب تعالي عشان نواصل خطانا
تعالي انتي وسيبي الباقي أنا حأنسيك أيام جفانا
تعالي راجعه وأنسي الحصل نبدأ تاني ونواصل أحلامنا..

تصميم بوستر لقصيدة : خـوف

قصيدة : خـوف
شعر : شـذى أحمد عثمان
ـــــــــــــــــــــــــــــــــــــــــــــــ
تصميم : متوكل كمال
ـــــــــــــــــــــــــــــــــــــــــــــــ
خُوفِي ينسى وعودو ديك لــو هَـديتو الريــد مَعـاني
ويـــرجع يتــحـطم هَــواي أنــوجـــع او أبــكي تـاني

خــوفي مِـنو فـِ يوم أضيع يوم فيــهو مابــنـفع نــدم
وأسـرح انــا في الزمــان ما ألقى غير ريــداً وَهـَـم
ما ألقى غير قَـلباً حَزيـن بـ دِمُوعو ودَع كـل عَشم
قـلباً مُفارِق كل جــميــل قـــلباً مُعَطــن في الألــم

خــوفي لـو إِرتِـحتَ ليــو يبـقى ذي فـَـرح اليَـتيــم
فـِــ لحظــة يِكبر ويذدِهـِر يشيلني في كفوف النَعيـم
وفـ لحــظة أرجع للنُــواح تــاني يرميني فــ جـحيم
خُـــوفي أكره يوم هـَـواو ويصدق إحسـاسي الأليم

تصميم بوستر لقصيدة : أنا حذرتك

قصيدة : أنا حذرتك

ـــــــــــــــــــــــــــــــــــــــــــــ

شعر : رباب عثمان أرباب

ــــــــــــــــــــــــــــــــــــــــــــــــــــــــ

تصميم : متوكل كمال

ـــــــــــــــــــــــــــــــــــــــــــــ

مامتذكر يوم لاقيتك وأسرت الروح بي نار نظراتك

 وجيت تتعذر ياأستاذ ياريت تعذرني أنا شبهتك

وكنت داسي الريد في عيونك 

ياخ مالو أنا زاتي عشقتك وقمت وعدتك

وفي موعدنا عزمت النيل عشان يحضرنا

ماهو وكيلي وعارف وشايف كم غشونا وكم ساهرنا

ويوم الموعد جيت بتنور زي نار منقد نورك يحذر فيني يهدد

ويقول لي أصلك مابتموت لو مامت في أول موعد

وأنا ياحليلي مسافه تقدل أشيل وأتشهد

اديتك أي صلاحية لاقلت شروط لاطالبتك

فهمتك إنك نور عيني ولو حبيت انا بعدك

 زول حيكون يازولي البجي منك

جرتقتك بإحساس بقاق ووعدتك ماأبعد عنك

الا اموت او إنت تفوت تقطع شريان حبك وحنك

حذرتك بس ماتخونني خليتو كلامي داك كلو

ونسيت القلنا ودايرنو وسويت الحذرناك منو!

 أنا حذرتك

تصميم بوستر لقصيدة : موهوم شقى الأيام

قصيدة : موهوم شقى الأيام
ـــــــــــــــــــــــــــــــــــــــــــــــــــــــــــ
شعر : ساره مالك
ـــــــــــــــــــــــــــــــــــــــ
تصميم : متوكل كمال
ــــــــــــــــــــــــــــــــــــــــــــــــ
ﺍﻧﺎ ﺍﻟﻤﻮﺟﻮﻋﻪ ﺑﻘﺪﻝ فوق ﺻﻘﻴﻌﻪ ﺍﻟﻔﺮﺣﻪ ﻋﻠﻲ ﻏﺒﺎﻱ
ﺍﻧﺎ ﺍﻟﺸﻘﻴﺎﻧﻪ ﺑﺎﺭﻳﺘﻮ ﻫﻮﺍﻙ ﺯﺩﺕ ﺷﻘﺎﻱ
ﻏﻠﻄﺎﻧﻪ ﺍﻟﻮﺟﻌﻪ ﻛﺎﻥ ﻗﺎﻳﻠﻪ ﺑﺘﺄﻟﻢ ﻭﻏﺒﻴﺎﻧﻪ ﻛﺎﻥ ﻗﺎﻳﻠﻪ ﺑﺘﺰﻳﺪﻭ ﺍﺳﺎﻱ
ﻣﻌﺰﻭﺭﻩ ﻣﺎﺑﺘﻌﺮﻑ ﺑﻌﺖ ﺍﺣﺴﺎﺳﻲ ﻟﻠﻔﺮﻗﻪ ﻭﻫﺎﻳﻤﻪ ﻋﻠﻲ ﻋﻤﺎﻱ
ﻣﻮﻫﻮﻡ ﺷﻘﻰ ﺍﻻﻳﺎﻡ ﻛﺎﻥ ﺑﺸﻘﻴﻬﺎ ﻋﻠﻲ ﺍﻧﺎ ﺍﻟﻤﺤﺮﻭﻗﻪ ﺟﻮﻩ ﺣﺸﺎﻱ
ﺑﺎﺭﻳﺖ ﺷﺮﻳﻌﻪ ﺍﻟﺮﻳﺪﻩ ﻛﺎﻓﺮﻩ ﺍﻟﺮﻳﺪﻩ ﻛﺎﻥ ﺗﺎﻧﻰ ﺗﻘﺪﻝ ﺟﻮﺍﻱ
ﺍﺗﻠﺘﺦ ﻗﻠﺒﻲ ﺑﻲ ﺭﻳﺪﻭ ﺍﻟﻤﺎﺑﻌﺮﻑ ﺍﻟﺮﻳﺪﻩ ﺣﻠﻞ ﻟﻠﻔﺮﻗﻪ ﺍﺳﺎﻱ
ﻣﻘﺘﻮﻝ ﺍﻟﺒﻌﺸﻖ ﻗﻠﺒﺂ ﺻﺮﻳﻊ ﺍﻟﻔﺮﻗﻪ ﻛﻀﺎﺏ ﺍﻟﺒﻘﻮﻝ ﻣﺼﻴﺮ ﺍﻟﻘﻠيب ﻧﺴﺎﻱ

تصميم بوستر لقصيدة : شلهتني .. يا زول معاك

قصيدة : شلهتني .. يا زول معاك

ـــــــــــــــــــــــــــــــــــــــــــــــــــــــــــــــــــــ

شعر : سيدة عوض  « عتاب »

ـــــــــــــــــــــــــــــــــــــــــــــــــــــــــــــــــــــ

تصميم : متوكل كمال الدين

ــــــــــــــــــــــــــــــــــــــــــــــــــــــــــــ

شلهتني يا زول معاك  وعارف رويحتي بلاك سراب 

جهجهتني يا سيد هواي وخابرني في كل الكتب 

قارياك عتاب وترتني يا ود بيجري مع دماي  وينزفني من وجعي المذاب 

رشرشتني وأنــا في حِماك يا سيد حروفي الشوق عذاب 

ودرتني يا الله كيف ألقاك وتنستر العتاب 

دردرتني يا خفقة النبض الحنين  توهتني والفيني ما بحمل حجاب 

يا زول حقيقه أنـا في هواك ودرتني 

ودردرتني وجهجهتني وشرشرتني وشلهتني وتوهتني 

وكيفن أصير أنــا بس بلاك 

صدقتني ....!!!؟؟؟

يا زول جواي جهجهتني

تصميم بوستر لقصيدة : خطوط الشيب

قصيدة : خطوط الشيب
ـــــــــــــــــــــــــــــــــــــــــــــــــــ
شعر : عبير زين
ــــــــــــــــــــــــــــــــــــ
تصميم : متوكل كمال الدين
ـــــــــــــــــــــــــــــــــــــــــــــــــــــــــــــ
حلاة الشيب خطوط النور وكت تمتدّ شايله صباح
روعه تحير الإفلاق سواد تتخللو الأفراح
نجوم ضوايه نص الليل مناره تجيب معاها الراح
نسمه رقيقه عز الصيف نوارس فارده فينا جناح
مراسي بتحضن البحار و من طول السفر يرتاح
اهازيج للفرح واحات وصوت البلبل الصداح
براءة طفلة شايله الفال في تحقيقو تلقى براح
و آه ياقلبي ياولهان ياما معايا شفته جراح
بعادو مولع الاشواق جارية فى دربو سابقة رياح
منايا احقق الغايات وليا وصالو يبقى متاح

تصميم بوستر لقصيدة : بنكر ريدتي

قصيدة : بنكر ريدتي
ــــــــــــــــــــــــــــــــــــــــ
شعر : سهي صالح المبارك
ــــــــــــــــــــــــــــــــــــــــــــــــــ
تصميم : متوكل كمال الدين
ــــــــــــــــــــــــــــــــــــــــــــــــــــــــ
بنكر ريدتي ليك عديل لانك في المحبه بخيل
في اعلي مكانه ختيتك والريده معزه ماتذليل
كل ما اغمض عيني بلقاك معاي في كل صبح وليل
وكل انسان سأل عنك بقول لحبي مافي دليل
وبنكر ريدتي ليك عديل شوفته محنه في قلبك
وقربك لي مابالحيل لمن جيت اقيسو جفاك
لقيتك انت باعد ميل خلاص الليله بنسي هواك
وعمر الريده اصلو طويل وبعرف قلبي ماهماك
وبنكر ريدتي ليك عديل وكونو دواي مافي ايديك
وحاتك قلبي طافح كيل
وبنكر ريدتي ليك عديل

تصميم بوستر لقصيدة : زعلك صعب

قصيدة : زعلك صعب
ــــــــــــــــــــــــــــــــــــــ
شعر : الريان عبدالقادر النعيم
ــــــــــــــــــــــــــــــــــــــــــــــــــــ
تصميم : متوكل كمال الدين
ــــــــــــــــــــــــــــــــــــــــــــــــــــ
المره دي زعلك كتر وجفاك لي شغل الفكر
اشتقت ليك جايه اعتذر والريده زايده عليا نار
اصعب وقت ساعة يهل الليل ويزداد شوقي ليك بالحيل
وناديت علي فيض المحنه يسيل ودموقي دافقه وراك بحار
لما تفوتني في الميعاد تخت فيني الشقى ويزداد
وبي شوفتك تعم اعياد وتبني الفرحه اعظم دار
شفتك خلاص راح العتاب  والقلب فتح شبابيك المناب
لا بينا حاجز لا حجاب وبقدسك بعد الخالق الجبار

تصميم بوستر لقصيدة : ماكان العشم

قصيدة : ماكان العشم
ـــــــــــــــــــــــــــــــــــــــــــــ
شعر : الكونتسا ننو
ـــــــــــــــــــــــــــــــــــــــــــــ
تصميم : متوكل كمال
ـــــــــــــــــــــــــــــــــــــــــــــ
اتبدل احساسك معاي زيفتا قولك ليا كيف
نسجتا احرف للغرام فحواها منك كلو زيـف
وديتـني شط الامنيات رجعتا مالقيت ليـك قيف
تاتيت عليك موج البحر شان يغسل احزانك تقـيف
وانت كايس وجعي يوت طلعت ياخ انسان حريف
لونتا قولك بالكضب عودتا دمعاتي النزيف
دفيانه في حر الشتاء بردا معاك ظنيتو صيف
قايلني ساكناك بس براي ماكنت فاكر نفسي ضيف
ماكان العشم ...
فتحتا فيني كمان جرح حريق غرامك ماطفيف
خليتـني ضهبان بالسنين ساقيهو ريدآ مانضيف
ضيعتا زولا كان معاك وا حسرة القلب الرهيف
جايني كايس بس شنو ونبض قليبك كلو زيف
راجع تقول ياسيد هواي غيري ماببقي الوليف
ماتنكت احساسي الودر حد هنا عندك اقيف
ماكان العشم ...

تصميم بوستر لقصيدة : مابتفرق

قصيدة : مابتفرق
شعر : امتثال عبدالله
ــــــــــــــــــــــــــــــ
تصميم : متوكل كمال
ــــــــــــــــــــــــــــ

ولا بأسف ...
ولابحزن ...
ولابندم ...
علي زولآ ...
وهبتو حنين وهبني انين وقال بلسم
عزفتو جواي صوت في الناي
عزفني جواه فرح ماانتم
هديتو الراح عشان يرتاح
وقال لي في شقاه انجم
سقيتو حنين سنين وسنين
رواني من السراب كم وكم
فكيف؟
فكيف وكتين تموت احزاني احزن
او اقيم مأتم اذآ فافهم
وكت تأفل نجيماتك تغيب ذاتك
نصيحه بقولا وحياتك
قدر ماكنت ليك بعشق
بقيت جواي مابتفرق

تصميم بوستر لقصيدة : هل من مزيد

قصيدة : هل من مزيد
شعر : محمد ميرغني
ــــــــــــــــــــــــــــــــــــــــــــــــ
تصميم : متوكل كمال الدين
ــــــــــــــــــــــــــــــــــــــــــــــــ
بكتب عشان خاطرك وأعيد
بي دم حنيني الفي الوريد
وبصارع الزمن العنيد
في انتظار يوم الوعيد
الفرحة في جواي أكيد
وقلبك كمان لي قلبي سيد
كل نبضة منو فرح شديد
كل دقة تطرب بالجديد
كل خفقة منو تقول نشيد
وانا بس أقول هل من مزيد؟
هل من مزيد ؟
هل من مزيد ؟

بوستر لقصيدة : غرقانة ما دايرة المدد

قصيدة : غرقانة ما دايرة المدد
شعر : عبير زين
ــــــــــــــــــــــــــــــــــــــــــــــــ
تصميم : متوكل كمال الدين
ــــــــــــــــــــــــــــــــــــــــــــــــ
إحســـاسى بــيك فى الدنيا اصــلا ما اتوجــد
لا فى كتـاب خطو إنكتب لا فى أساطير إنســرد
زى الغـــــريـق لامـــــــن يــزيـــد المــوج زبــد
وجواهو يظهر ويختفى والروح تكون لى حلقو سد
يشهـق يــفــتــش لـى نجــاتو ولى حياتو ولـلمـدد
يائس يصــارع فى المنون قدامو محــفور اللحـد
يصــــرخ يشــــابى وصــوتو.. هــادر كالــرعـــد
مسكين يجاهـــد والبحر مد البصــر ما ليهــو حد
الا الفـــرق انــو الغــريق يتمـنى لــو يلقى السند
أو ترحمــو الشيمـــة وتشيلو تخــتو فى قيف البلد
وانا فى هـــواك غرقانه جــد لكنى ما دايرة المدد
وراضية بى عتمة ظلامك بى مرادى براى رقد
دايراك تــغـرني وأفضل فى محيطــك للأبـــد
مرتاحة فى الأعماق وريدك زادى يمنحنى الجلد
لا ألقـى زول ينجيـنى منــَّك لا معــونة ولا سنــــد
لا طوق نجاه يبقالى غوث حَكَمَ القدرمن غير مرد
تغمرنى أمــواجــك سنيـن تدفــنى جـــواك للأبـد
وجـــواها أعيش حلـــم العمر معـاكا لا ولد الولد